Rusiyanın Ukraynaya hərbi təcavüzünün ilk günündən bir çox məşhurlar özlərini və övladlarını xilas etmək üçün ölkəni tərk edib. Amma aktiv döyüşlərə baxmayaraq, Ukraynada qalanlar da var.
Qaynarinfo Unian-a istinadən Ukraynanı tərk etməyən 5 məşhuru təqdim edir:
Qriqori Reşetnik
Teleaparıcı Qriqori Reşetnik həyat yoldaşı Kristina ilə birlikdə Ukraynada qalıb. İndi ulduz cütlük könüllülüklə məşğuldur:
"Biz öz doğma torpağımızda qalırıq və Ukraynanın qələbəsinə bütün qəlbimizlə inanırıq! Biz insanları dəstəkləməyə və ümid verməyə çalışırıq... Bilin ki, mən və ailəm Ukraynanı və ukraynalıları son nəfəsədək sevəcəyik, ümumi qələbəmiz üçün mübarizə aparacağıq!"
Natalka Denisenko
Aktrisa Natalka Denisenko oğlu ilə birlikdə Ukraynada qalıb və informasiya cəbhəsində mübarizə aparır. Onun əri, aktyor Andrey Fedinçik isə ərazi müdafiəsi sıralarında ölkəni müdafiə edir. Bundan əlavə, Natalka Ukrayna dili kursları açır və hər kəsə biliklərini təkmilləşdirməyə kömək edir.
Maşa Efrosinina
Teleaparıcı Maşa Efrosinina da Ukraynadadır. Məşhurun ölkəsini tərk etmək fikri yoxdur. Sosial şəbəkələrində o, ruslarla əlaqə saxlamağa çalışır, həmçinin rus təbliğatının saxtakarlığını təkzib edir.
Nikita Dobrınin
Teleaparıcı Nikita Dobrınin həyat yoldaşı Daşa Kvitkova və oğlu Lvovla birlikdə daha təhlükəsiz yerə - Qərbi Ukraynaya köçüb. Eyni zamanda o, ölkədə qalır və Ukrayna ordusuna kömək edir. Üstəlik, aparıcı müharibənin ilk həftələrində ərazi müdafiəsində qoşulub, ölkənin müdafiəsində iştirak edib.
Svetlana Tarabarova
Müğənni Svetlana Tarabarova da Ukraynada qalıb. Tarabarova sosial şəbəkələrində Ukraynanın səmasını bağlamağa çağırır, eyni zamanda qələbəyə inanır.
Aydın
