"Bu əsərdə Musa Yaqub çox şey
deyir. Onun baxışlarından oxuduğum fikirləri sözlə ifadə edə bilmirəm”.
Bunu Qaynarinfo-ya açıqlamasında
mərhum Xalq şairi Musa Yaqubun qəbirüstü abidəsinin müəllifi Xalq rəssamı Natiq
Əliyev deyib. Rəssam bildirib ki, həmin fikirləri sözə köçürə bilsəydi, ondan
bir roman yazılardı:
"Abidə ilə bağlı təklif olundu,
qəbul etdim. Bu əsərin üzərində işlər ötən ilin yayından başlanılıb. Şükür ki,
onu istədiyim formada təqdim edə bildim. Hərənin bir ifadə vasitəsi var.
Musiqiçi mahnı bəstələyir, şair şeyir yazır, heykəltəraş da görkəmli şəxslərin
abidəsini yaradır. Musa Yaqubun obrazını oxumaq üçün heykəlin qarşısında
dayanmaq lazımdır. Sağ-soldan ona diqqətlə baxmalı və ən başlıcası Musa Yaqub
yaradıcılığını dərindən bilməlisən. Əgər mən onun baxışlarını bir necə fikirlə
sizə deyə bilsəydim, belə bir abidə yarada bilməzdim. Elə sözlər var ki, onu
sözlə ifadə etmək mümkin deyil. Mən həmin obrazda Musa Yaqub şəxsiyyəti ilə
yanaşı, həm də yaradıcılığını canlandırmağa çalışmışam”.
Abidənin maliyyə xərclərinə gəlincə,
Natiq Əliyev bundan xəbərsiz olduğunu dedi:
"Yaradıcı adamam, əsərlərimin
maliyyə xərcləri məni heç vaxt maraqlandırmır. Mənim üçün əsas əsərdir. Əgər
mən maliyyə işlərinə vaxt ayırsam, onda yaradıcılıqdan ayrıla blərəm, bununla məşğul
olan adamlar var. Mənim üçün heç vaxt maliyyə birinci olmayıb. Heç onuncu da
olmayıb”.
Natiq Əliyev bütün əsərlərindən zövq
aldığını vurğulayıb:
"Yoxsa yorularam. Əgər materiallarım
olsa, təkcə bunu deyil, bütün işləri pulsuz da yaradardım. Bu mənim
yaradıcılığmdır. Yaradıcılıq pulla ölçülmür. Əgər bu əsərdən pul güdsəydim,
abidə heç vaxt belə keyfiyyətli alınmayacaqdı”.
Bahar Rüstəmli
