Sağlamlıq 23:03 17.11.2023

Bu insanlar ürək-damar xəstəliklərindən daha az əziyyət çəkir

Jivaskila Universitetinin (Finlandiya) alimləri müəyyən ediblər ki, fiziki fəaliyyətə genetik meyli olan insanlarda ürək və damar xəstəliklərinin inkişaf riski azalır. 

Qaynarinfo xəbər verir ki, bu barədə raşdırmanın nəticələri "SpringerLink"də dərc olunub.

Çox hərəkət etməyə meylli insanlar güclü əzələlərə və yaxşı ümumi dözümlülüyə malikdirlər. Bundan əlavə, belə insanlar yüksək aerobik fitnəyə malikdirlər ki, bu da bədənin atmosferdən oksigeni götürmək və əzələ hüceyrələrində enerji istehsal etmək üçün istifadə etmək qabiliyyətinin ölçüsüdür. Belə xüsusiyyətlər genetik olaraq miras alınır.

Alimlər bu xüsusiyyətlərə sahib olmağın sağlamlıq üçün hansı faydaları olduğunu öyrənməyə çalışıblar. Bunun üçün onlar orta yaş həddi 52,9 olan 47 148 nəfərin iştirakı ilə araşdırma aparıblar. Ən gənc könüllünün 19, ən yaşlısının isə 100,8 yaşı olub. Tədqiqatçılar iştirakçıların sağlamlıq vəziyyəti haqqında məlumat toplayıb, onların fiziki hazırlığı və gündəlik fəaliyyət səviyyələrini qiymətləndiriblər.

Məlum olub ki, çox hərəkət edən hər yaşda olan insanlarda ürək-damar xəstəlikləri, 2-ci tip diabet və hipertoniyaya tutulma riski oturaq həyat tərzi keçirənlərə nisbətən daha azdır. Çox güman ki, genetik cəhətdən müəyyən edilmiş yüksək səviyyəli dözümlülük və gücə malik olan subyektlər gün ərzində daha az yorulurlar ki, bu da onlara daha çox gəzməyə və müntəzəm idmanla məşğul olmağa imkan verir. 

Tədqiqatçılar qeyd ediblər ki, onların araşdırması ilk dəfə olaraq fiziki fəaliyyətə genetik meylin kardiometabolik risklə əlaqəsini, ürək-damar xəstəliklərinin inkişafına kömək edən bir sıra amilləri araşdırıb. Tədqiqatçılar ümid edirlər ki, iş genetikanın sağlamlıqdakı rolunu öyrənmək üçün yeni imkanlar verəcək.

Aydın