"Mən bu siyasi həmrəyliyi alqışlayır, dəstəkləyirəm”.
Bunu Qaynarinfo-ya açqlamasında AĞ Partiya başqanı
Tural Abbaslı vətən müharibəsi dönəmində bütün siyasi partiyaların birliyindən
və Ali Baş Komandan İlham Əliyevə dəstək verməsindən danışarkən deyib. Onun
sözlərinə görə, Azərbaycan vətən müharibəsi apardığı bir dönəmdə siyasi mənsubiyyət
ikinci, hətta üçüncü plana düşməlidir:
"Çünki burada əsas hədəf dövlətin ərazi
bütövlüyüdür. Belə bir məqamda heç bir siyasi qüvvə, partiya, şəxs siyasi
maraqlarını və iddialarını ortaya qoymamalıdır və edə də bilməz. Təbii ki, biz
50 partiya, sonradan Müsavat Partiyası da bu siyahıya qoşuldu, AXP-də ayrıca bəyanat
verdi və bu məsələdə heç bir partiyanın fikir ayrılığı yoxdur. Belə də
olmalıdır. Bunun əksini edən siyasi qüvvə xalq tərəfindən qınanılacaq və həm də
ola bilər ki, siyasi səhnədən silinəcək”.
Tural Abbaslı bildirib ki, bu gün bütün Azərbaycan
ordu halındadır:
"İlham Əliyev də Prezidentdən daha çox Ali Baş
Komandandır. Döyüşlərin getdiyi bir məqamda siyasi fəaliyyət qəbuledilməzdir, rəqabət
və fürsətcillik yolverilməzdir. Heç bir siyasi partiyanın da başqa şansı
yoxdur. İndiki məqamda, vətən müharibəsi gedən bir ərəfədə kimsə bu dövlətə,
dövlətin ordusuna dəstək verməyib siyasi maraqlar güdərsə, ona qarşı ilk olaraq
biz çıxarıq. Çünki vətən torpaqdan ibarətdir. Torpaq alınandan sonra siyasi fəaliyyət
davam edə bilər. Mən bu siyasi həmrəyliyi alqışlayıram, dəstəkləyirəm. Nə qədər
ki, Azərbaycan Ordusu müharibə aparacaq, o qədər də siyasi partiyalar iqtidara
dəstək verəcək”.
Bahar Rüstəmli
