Dünyaca ünlü futbolçu Didier Droqba yeni komandasınn adını açıqlayıb.
Sport7.az xəbər verir ki, futbolçu sosial şəbəkədəki hesabında ABŞ-ın ikinci liqasında çıxış edən "Foeniks Rizinq"in futbolçusu olduğunu açıqlayıb. 39 yaşlı futbolçu eyni zamanda bu klubun sahibi də olduğunu bildirib.
Bununla bağlı açıqlama verən Droqba "Eyni anda klubun həm sahibi, həm də futbolçusu olmaq qeyri-adi durumdu. Amma mənim üçün həyəcanverici olacaq. Gələcək karyeram üçün bu önəmli bir hazırlıqdı" sözlərini söyləyib.
"Qalatasaray"da 1,5 il oynayan Droqba, karyerasında "Genqam", "Marsel", "Çelsi", "Şanxay Şenhua" və son olaraq ABŞ-da "Montreal İmpakt"ın formasını geyib. 4 aydı futboldan uzaq qalan təcrübəli ulduz, "Montreal İmpakt"da forma geydiyi 41 rəsmi matçda 23 qola imza atmşdı.
Qaynar.Az
