Bu yay transfer dönəmində, Ruben Neves, Xalidu Koulibali, Sergey Milinkovic və son olaraq braziliyalı Malkomu heyətinə qatan Səudiyyə Ərəbistanı komandası indi gözünü PSJ-nin ulduzu Marko Verattiyə dikib.
Qaynarinfo-nun məlumatına görə, "La Gazetta dello Sport" "Al-Hilalın" PSJ- nin italyan ulduzu Marko Verrattiyə 3 illik müqavilə və ümumi 156 milyon avro maaş təklif etdiyi bildirilib. Ərəb klubu Paris komandasının aparıcı futbolçusunu razı salmağa çalışarkən, Liqa 1 təmsilçisinin bu transferə müsbət yanaşdığı bidirilib.
İtaliya millisinin 30 yaşlı futbolçusu 2012-ci ildən PSJ-də çıxış edir. Verratti Fransa klubunda 416 oyuna çıxıb və bu müddətdə doqquz dəfə ölkə çempionluğu sevincini yaşayıb.
Ulduz yarımmüdafiəçinin PSJ ilə 2026-cı ilə qədər müqaviləsi var.
Səbuhi Həsənov
