Hazırda 30 erməni hərbçisi İrəvan Mərkəzi Hərbi Xəstəxanasında yaralı durumdadır.
Qaynar.info xəbər verir ki, bu barədə həmin hospitalın rəisi Aram Asaturyan erməni jurnalistlərə açıqlamasında bildirib.
Onun sözlərinə görə, son 2 gündə xəstəxana daha 18 yaralı qəbul edib. Bunadək isə 12 hərbçi xəstəxanada idi.
"İndi bizdə ümumilikdə 30 yaralı var. Bunlardan 5-nin durumu olduqca ağır dəyərləndirilir. Həmin 5 nəfərdən 4-ü hərbi xidmətə təcili çağırılan və 1-i isə "Yerkrap" könüllülər birliyinin üzvüdür. 5 hərbi xidmətçinin durumu sabit ağır dəyərləndirilir, qalanları isə qənaətbəxş vəziyyətdədirlər", deyə Asaturyan bildirib.
Asaturyan həmçinin bildirib ki, bu gün 3 yaralı daha xəstəxanaya gətirilib. Bunlardan 19 yaşlı Ayk Torosyan koma vəziyyətindədir. Hospital rəisi onu da bildirib ki, sağalanlar cəbhədəki xidmətlərinə geri qayıdacaqlar.
Qaynar.info
