"Fənərbaxça” ilə oyun öncəsi "Qalatasaray”ın baş məşqçisi Fatih Terimin verdiyi qərar komandada sevinclə qarşılanıb. Belə ki, Terim sabah Analar günü olduğundan futbolçuları axşam məşqindən sonra evə buraxıb. Derbi öncəsi klubun bazasında qalmayacaqlarını öyrənən oyunçular sevinclərini gizlətməyib.
İş ondadır ki, Terim futbolçularına vəd etmişdi ki, çempionluğu "Fənərbaxça” – "Qalatasaray” matçından öncə rəsmiləşdirəcəkləri halda, komanda üzvlərinin bazada toplaşmaları vacib olmayacaq. Odur ki, çalışdırıcı verdiyi sözün üstündə durub..
