Fransada
koronavirus səbəbiylə komendant saatı tətbiq edilməsinə baxmayaraq, bir gündən
çoxdur ki, kütləvi Yeni il şənliyi keçirilir.
Qaynarinfo
xəbər verir ki, tədbir Bretan əyalətində yerləşən Lieron kommunasının
yaxınlığında, tərk edilmiş bir qatar stansiyasındakı anbarda keçirilir.
Qeyd
edək ki, 2,5 mindən çox insan 31 dekabrda bayramı qeyd etməyə başlayıb. Polislər
icazəsiz Yeni il şənliyini dayandırmağa çalışsa da, buna müvəffəq ola bilməyib.
Polis müxtəlif vasitələrdən istifadə edərək tədbir iştirakçılarını dağıtmağa
çalışıb. "Life Shot” xəbər verir ki, bundan sonra bir polis avtomobili yandırılıb.
Daha sonra
polis vağzala bütün girişləri bağlayıb. Orada bayram edənlərə maskalar və sanitar
təmizləyici maddələr paylanmağa başlanıb. İndi iş daxili işlər nazirinin şəxsi
nəzarətindədir.
