Futbol millimiz yoldaşlıq oyununda məğlub olub.
ANS PRESS-in məlumatına görə, bu gün San-Fransisko şəhərindəki “Kandlestik Park” stadionunda ABŞ və Azərbaycan milli komandaları arasında yoldaşlıq oyunu keçirilib. Qarşılaşma Bakı vaxtı ilə mayın 28-də, saat 07:10-da başlayıb. Matçın 74-cü dəqiqəsinə kimi tərəflər qapıya yol tapa bilməyiblər.
ABŞ millisinin futbolçusu Miks Diskerud yığmamızın müqavimətini oyunun 75-ci dəqiqəsində qırıb. 1:0 önə keçən ABŞ yığmasının ikinci qolu isə 81-ci dəqiqədə Aron Yohanssondan gəlib.
Qeyd edək ki, Azərbaycan yığması ilə qarşılaşan ABŞ millisi gələn ay Braziliyada keçiriləcək dünya çempionatının final mərhələsinə hazırlaşır.
Qaynar.info
