Türkiyənin İzmir şəhərində villalara girən "şənlik aşiqi" oğrular geridə saxladıqları dəlillər sayəsində saxlanılıblar.
Qaynarinfo xarici mətbuata istinadən xəbər verir ki, girdikləri evlərdə içki içib, məclis quran oğrular alış-verişlərini yaxınlıqdakı marketlərdən etdikləri üçün özlərini ələ veriblər. Belə ki, mağazaların təhlükəsizlik kameralarına baxış zamanı şübhəlilərin kimliyi müəyyənləşib və 6 nəfər saxlanılıb. İfadələri alınan daha 6 nəfər isə sərbəst buraxılıb.
Saxlanılan şəxslərin evlərinə baxış zamanı oğurladıqları bəzi əşyalar götürülərək, sahiblərinə təslim edilib.
Camal
