Xətai rayonu, Əhmədli qəsəbəsi, Məhəmməd Hadi küçəsində keçmiş Göz klinikasının binasında yaşayan məcburi köçkünlər yaşadıqları duruma üsyan edirlər.
Musavat.com-un məlumatına görə, Ağdam, Füzuli, Zəngilan, Laçın rayonlarından olan məcburi köçkünlər 1993-cü ildən burada yaşayırlar.
Uzun müddətdir ki, kommunal problemlərdən əziyyət çəkən sakinlər aidiyyatı qurumlara nə qədər müraciət etsələrdə heç bir nəticə verməyib. Binanın kanalizasiya sistemi yararsız vəziyyətdədir, pəncərələr qırıq olduğundan soyuq hava evlərə dolur.
Binaya qaz verilmədiyindən sakinlər bütün məişət işlərində elektrik enerjisindən istifadə edirlər. Nəticədə sərf olunan elektrik məcburi köçkünlərə verilən aylıq limiti keçir.
Sakinlər deyirlər ki, borca görə dəfələrlə binaya verilən elektrik enerjisi kəsilir. Qış aylarında elektrik borcu ayda 100-150 manatı ötür.
Aidiyyatı qurumlar məcburi köçkünlərə köçürülmə ilə bağlı vəd versələr də hələki heç bir nəticə yoxdur.
