Dövlət Sərhəd Xidməti (DSX) sərhəd mühafizəsi sistemində hərbi qulluqçu kimi xidmət edən qadınlardan bəhs edən videorolik yayımlayıb.
İndiyədək çoxlarımız qadın hərbi qulluqçuları DSX-də mərkəzi aparatı, dövlət sərhədin nəzarət buraxılış məntəqələrində, tibb məntəqələrində və qərargahlarda xidmət edən görmüşük.
Videodan göründüyü qədər DSX qadın hərbi qulluqçuları qərargahlarla yanaşı bilavasitə döyüş tapşırıqlarında iştirak edəcək sahələrdə xüsusi təyinatlı bölmələrdə atıcı, snayper, tankçı, zirehli texnika heyəti, Sahil Mühafizəsi gəmilərində müxtəlif vəzifələrdə, aviasiya dəstəsinin helikopterlərində pilot və digər sahələrdə də xidmət edirlər.
