Koronavirus (COVID-19) pandemiyasına qarşı mübarizədə Azərbaycanın dəstəyini nümayiş etdirmək məqsədilə aprelin 11-də Heydər Əliyev Mərkəzinin binası üzərinə Türkiyə Respublikasının bayrağı bu ölkənin musiqisinin müşayiəti ilə videoproyeksiya olunub.
Bu barədə Mərkəzdən məlumat verilib.
Qeyd edək ki, aprelin 3-dən başlayaraq virusdan zərərçəkən bir dövlətin bayrağı həmin ölkənin musiqisinin sədaları altında Mərkəzin binası üzərinə proyeksiya olunur. Bununla Heydər Əliyev Mərkəzi "COVID-19"un geniş yayıldığı dövlətlərə və onların xalqlarına dəstəyini, hörmət və ehtiramını ifadə edir.
İndiyədək koronavirusun geniş yayıldığı Çin, Fransa, Almaniya, İran, İtaliya, Rusiya və İspaniyanın bayraqları Mərkəz binasının üzərində nümayiş olunub.
<iframe allowfullscreen="" frameborder="0" height="360" mozallowfullscreen="" msallowfullscreen="" oallowfullscreen="" src="https://www.trend.az/player.php?f= [leech=https://cdn.trend.az/2020/04/11/video_merkez_110420.mp4]https://cdn.trend.az/2020/04/11/video_merkez_110420.mp4" [="" leech]="" webkitallowfullscreen="" width="100%">
