Hindistanın şimal-şərqində saxta içki səbəbindən ölənlərin sayı 150 nəfərə çatıb.
Qaynarinfo xarici KİV-ə istinadən xəbər verir ki, bu barədə Hindistan polisi məlumat yayıb.
Məlumatda bildirilir ki, Assam əyalətinin Golaghat və Jorhat bölgələrində saxta içkidən 66 nəfər ölüb. Əyalət səhiyyə naziri Himanta Bisva Şarmanın sözlərinə görə sözügedən bölgələrdə 200 nəfər xəstəxanaya yerləşdirilib və onlardan bəzilərinin vəziyyəti ağırdır.
Hökumət rəsmisi Culie Sonoval ölənlərin əksəriyyətinin çay tarlalrında çalışan işçilər olduğunu və saxta içki hazırlamaqda şübhəli bilinən 9 nəfərin saxlanıldığını açıqlamışdı.
Qeyd edək ki, bu ay həmçinin Uttar Pradeş və Uttaraxand əyalətlərində 99 nəfər saxta içkidən ölmüşdü.
