Prezident İlham Əliyev sərəncam imzalayıb. Qaynarinfo.az xəbər verir ki, dövlət başçısı Rəşadət Əhməd oğlu Ağayevi Şirvan Apellyasiya Məhkəməsinin sədri təyin edib.
Ağayev Rəşadət Əhməd oğlu 10 yanvar 1964-cü ildə Naxçıvan şəhərində anadan olub. 1987-1993-cü illərdə Bakı Dövlət Universitetinin hüquq fakültəsində təhsil alıb. Sonrakı illərdə Bakı Poçtamtında çeşidləyici, DİN-nin avtotəsərrüfat idarəsində çilingər, Azavtonəqliyyat texnika elmi-istehsalat birliyində mexanik, Azavtonəqliyyat texnika elmi-istehsalat birliyində şöbə müdiri, Bakı şəhəri “İrazər birgə müəssisəsində” mexanik işləyib. 1993-2000-ci illərdə Ali Məhkəmənin Hərbi Kollegiyasının məhkəmə iclas katibi, 2000-2007-ci illərdə şəhəri Qaradağ rayon məhkəməsinin hakimi, 2007-2008-ci illərdə Bakı Apellyasiya Məhkəməsinin hakimi, 2008-ci ildən Azərbaycan Respublikası Ali Məhkəməsinin hakimi olub.
Ailəlidir, 3 övladı var.
Qaynarinfo.az
