Nazirin müşaviri işdən çıxdı

Ekologiya və təbii sərvətlər nazirinin müşaviri İlham Nəsirov vəzifəsindən azad olunub.

Qaynarinfo ölke.az-a istinadən xəbər verir ki, bu barədə nazir Rəşad İsmayılov müvafiq əmr imzalayıb.

İ.Nəsirov öz ərizəsi əsasında işdən çıxarılıb.

Qeyd edək ki, İ.Nəsirov 2023-cü ilin noyabr ayında o zaman ekologiya və təbii sərvətlər naziri postunu tutan Muxtar Babayevin müşaviri təyin olunmuşdu. O, daha əvvəllər enerji sektorunda müxtəlif vəzifələrdə çalışıb.