İngiltərədə maşın insanlar üzərinə sürüldü: 4 yaralı

Böyük Britaniyanın Nyuport şəhərində maşın insanların üzərinə sürülüb.

Qaynarinfo BBC-yə istinadən xəbər verir ki, hadisə nəticəsində 4 nəfər yaralanıb və onlar xəstəxanaya aparılıb.

"Blue Ford C Max" markalı maşın 3 qadın və 1 kişini vurub. 2 qadının zədəsinin ciddi olduğu deyilir. Hadisəni törədən şəxs ərazini tərk edib. Maşın daha sonra 3 km kənarda tapılıb. 

Cinayətkarın qara dərili və 20-li yaşlarda olduğu təxmin edilir.

Hadisənin baş vermə səbəbi, terror olub-olmadığı araşdırılır.