“Neftçi” transfer işlərini davam etdirir. Qaynarinfo.Az klubun rəsmi saytına istinadən məlumat verir ki, komanda bu dəfə Çilidən olan hücumameyilli yarımmüdafiəçi İqnasio Herrera ilə 1 illik müqavilə imzalayıb.
Peşəkar karyerasına Çilinin "Reyncers" klubunda başlayan Herrera 2008-ci ildə Avropaya gələn futbolçu bir il İspaniyanın "Real Betis" klubunun B komandasında oynayıb. 2010-cu ildə vətəninə dönən yarımmüdafiəçi bu ilin əvvəlinədək "Huaçipato", "Magallanes", "Kobreloa", "Deportes İquique" klublarında oynayıb. O, bu ilin əvvəlində Qazaxıstanın "İrtış" klubuna keçib (31 oyun, 4 qol).
Qaynarinfo.Az
