Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
İtaliyanın kurort bölgəsində təhlükəli xəstəlik qeydə alındı - Həyəcan təbili çalındı
İtaliyada elm adamları Adriatik dənizinin sahilində yerləşən məşhur kurort Marşe bölgəsində təhlükəli danq qızdırması hallarının sayının artması ilə əlaqədar həyəcan təbili çalırlar.
Qaynarinfo-nun məlumatına görə, "Euractiv" yerli hakimiyyət orqanlarının bəyanatına istinadən yazır ki, təkcə kiçik Fano şəhərində 2024-cü il avqustun ortalarından etibarən şiddətli ağrılar və spazmlar səbəbindən "sümük sınığı qızdırması" kimi də tanınan bu xəstəliyin təsdiqlənmiş 100-dən çox hadisəsi qeydə alınıb. Onlardan 35 xəstənin xəstəxanaya yerləşdirilməsi tələb olunub.
Bu arada, elm adamları hələ də 60.000 əhalisi olan bu sahil şəhərinin niyə belə ağır zərbə aldığını anlamağa çalışırlar.
"Xoşbəxtlikdən, infeksiya zonası çox kiçikdir, çünki ağcaqanadların 200 metrlik məhdud hərəkəti var", deyə Milli Səhiyyə İnstitutunun Yoluxucu Xəstəliklər Şöbəsinin tədqiqat rəhbəri Flavia Rikkardo bildirib.
2024-cü ilin yayın əvvəlində Avropa Xəstəliklərin Qarşısının Alınması və Nəzarət Mərkəzi (ECDC) bu təhlükəli xəstəliyi daşıyan Asiya pələng ağcaqanadlarının yayılması səbəbindən bütün Avropada danq qızdırması hallarının sayının sürətlə artdığını elan edib. Ümumilikdə 11 Avropa ölkəsi üçün xəbərdarlıq edilib.
Əvvəlcə hər il milyonlarla yoluxma halının və on minlərlə ölümün qeydə alındığı Asiya və Cənubi Amerika ölkələrində danq qızdırması problem idi. Bununla belə, son illərdə qlobal istiləşmə səbəbindən Avropanın cənubuna yayılmağa başlayıb: Milli Sağlamlıq İnstitutunun məlumatına görə, bu il təkcə İtaliyada 500 hadisə qeydə alınıb.
Bu il ölkədə danq xəstəliyindən ölüm halları qeydə alınmasa da, həkimlər mənzərənin göründüyündən daha pis ola biləcəyindən narahatdırlar, çünki bir çox asemptomatik hal bildirilmir.
Bundan əlavə, Avropada hələ də eyni pələng ağcaqanadları tərəfindən yayılan Qərbi Nil qızdırması halları getdikcə daha çox qeydə alınmağa başlayıb.
Aydın
Oxşar xəbərlər
Premyer Liqa: Tovuzda qalib gələn olmadı
İdman
24.11.2024
Bu xəstəxanaya baş həkim təyin olundu
Ölkə
24.11.2024
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər