“Kəpəz”in direktoru bərbad meydançadan, komandadakı vəziyyətdən danışdı (MÜSAHİBƏ)

"Kəpəz”in icraçı direktoru İlqar Nadiri həm meydança məsələsi, həm də bir sıra çatışmazlıqlarla bağlı Qaynarinfo-ya müsahibə verib.

- Ümumiyyətlə, stadion nazirliyin balansındadır. Ot örtüyünün isə nazirliklə heç bir əlaqəsi yoxdur. Meydançaya baxan "Aqrosport” şirkətinin nümayəndələri mətbuata bu barədə geniş açıqlama verib. Onlar Azərbaycanda hansı meydançalara baxdıqları, şirkətin bacarıqları və digər stadionlarda vəziyyətin necə olması barədə danışıblar.

- Onlarla daim əlaqədəyəm. Uzun illərdir, səhv etmirəmsə, ot örtüyü yenilənəndən bəri bizim stadiona qulluq edir. Bundan əlavə, iki təbii meydançamız var, hansı ki bu yaxınlarda istifadəyə vermişik. O meydançalara da həmin şirkət qulluq edir. Ot örtüyü ideal vəziyyətdədir. Ümumiyyətlə, "Kəpəz”in ev oyunlarını keçirdiyi meydança həmişə ideal durumda olub.

- Ot örtüyü yaxşı vəziyyətdə deyilsə, problemi aradan qaldırmaq lazımdır. Bu gün belədir, bir neçə turdan sonra meydançanın yenidən ideal vəziyyətdə olduğunu görə bilərsiniz. O demək deyil ki, həmişə belə qalacaq.

- Növbəti oyun üçün deyə bilmərəm. Amma yaxın zamanlarda meydança öz ideal formasını alacaq.

- Müraciətə ehtiyac yoxdur, stadion nazirliyin balansındadır. Dəfələrlə gəlib stadiona baxış keçiriblər. Balaca bir qurğu deyil. Hər dəfə onların yadına salmağa ehtiyac yoxdur. İki həftədən bir "Kəpəz” oyun keçirir. Canlı yayımda hər şey aydın görünür. Diqqət yetiririk, amma stadionu söküb yenidən tikmək, yaxud bərpa etmək gücümüz çatan məsələ deyil. Nazirliyin balansındadır, inanıram ki, yaxın vaxtlarda stadionun yenidən inşası üçün proqram hazırlanar və ya investisiya yatırılar.

- Komanda formalaşdırmağı düşünürdük. Məqsəd ilk mərhələdə mübarizə aparıb Premyer Liqada qalmaq idi. Hələ ki, plan üzrə çempionata davam edirik. "Kəpəz”in hazırkı mövqeyi gözlədiyimiz kimidir. Ola bilər ki, mövsümün sonunda bir pillə aşağıda və ya yuxarıda qalaq. Belə bir mövqeni əvvəlcədən proqnozlaşdırmışdıq. 

- Futbolda bu kimi hallar olur. Komanda toparlanmasa, nəticə verməz. Hazırkı nəticələr göz qabağındadır. Bu, onu göstərir ki, komanda birləşib və oyunlara köklənib. 

- Komandanı yeniləmək fikrimiz yoxdur, qoruyub saxlamaq lazımdır. Hər il komanda yeniləmək düzgün startegiya deyil. Bu futbolçularla nəticə veririksə, qələbə qazanırıqsa, heyəti saxlamalıyıq. Yaxın günlərdə futbolçularla danışılacaq, yeni mövsümün planları qurulacaq. Baş məşqçi məsələsinin necə olacağını gələcəkdə görəcəyik.

- Xeyr, belə söhbət yoxdur. Heç kimi axtarmırıq, məşqçilərlə maraqlanmırıq. Hazırda komandanı Tərlan Əhmədov çalışdırır. Futbolçulara və ona inanırıq.

- "100k” məsələsi və sponsorla bağlı FİF-lə danışıqlar davam edir. "Turan Tovuz”la birgə başlamışdıq. Onlar üçün sponsor tapıldı. "Kəpəz”ə sponsor tapılması üçün də eyni şəkildə fəaliyyət göstərilir. Tapılacağı təqdirdə ictimaiyyətə məlumat veriləcək. Xeyirlisi, komanda Premyer Liqaya yeni çıxıb. Yavaş-yavaş bunların hamısı yoluna düşəcək.