Ukraynanın xarici işlər naziri Dmitri Kuleba Qərb ölkələrini ukraynalıların qanı ilə alver etməməyə və Rusiya Federasiyasına qarşı sanksiyaların effektivliyini azaltmamağa, o cümlədən onu SWIFT beynəlxalq ödəniş sistemindən ayırmağa çağırıb.
Qaynarinfo Unian-a istinadla xəbər verir ki, o, bu barədə xarici işlər naziri jurnalistlər üçün onlayn brifinq zamanı bildirib.
Nazir qeyd edib ki, beynəlxalq anti-Putin koalisiyasının yekun məqsədi Rusiya qüvvələrinin Ukraynadan tam şəkildə çıxarılması və Ukrayna ərazilərinin işğaldan azad edilməsidir.
"Təəssüf ki, Rusiyanın bunu etməyə və müharibəni dayandırmağa hazır olduğuna dair heç bir əlamət yoxdur”, - Kuleba bildirib.
Bununla bağlı nazir beynəlxalq ictimaiyyəti indi müxtəlif məhdudlaşdırıcı tədbirlərlə "Rusiyanı daha çox vurmağa”, "Rusiyaya daha çox sarsıtmağa” çağırır. "Bu mühüm qərarları qəbul etmək və bu addımları atmaq günlər deyil, saatlar ərzində olmalıdır", - Kuleba vurğulayıb.
O bildirib ki, ukraynalılar cəbhədə döyüşür və canlarını qurban verirlər. "Və sizdən yalnız bir xahişimiz var: bizə dəstək olun", - XİN rəhbəri bildirib.
Eyni zamanda o, Rusiyanı SWIFT beynəlxalq ödəniş sistemindən kənarlaşdırmaq məsələsi də daxil olmaqla, sanksiyalar paketlərini zəiflətməyə və effektivliyini azaltmağa çalışan ayrı-ayrı ölkələrə müraciət edib.
"Bəzi ölkələr bir sıra bankları çıxmaq şərti ilə boşluqlar buraxmağa çalışırlar ki, "sol əlin” köməyi ilə müəyyən tədbirlər görsünlər və "sağ əlin” köməyi ilə Rusiya ilə ticarəti davam etdirsinlər. Elə indi ukraynalı kişilərin, qadınların və uşaqların qanı ilə ticarəti dayandırın. Bu, metafora deyil, gördüyünüz işin reallığıdır. Tarix sizi mühakimə edəcək və adlarınız Avropadakı təcavüzkara həlledici anda müqavimət göstərə bilməyən bəşəriyyətə xəyanət edənlərin adı kimi həmişəlik tarix kitablarında qalacaq”, - Kuleba vurğulayıb.
O bildirib ki, iyirminci əsrin tarixində belə adların nümunələri var. "Əminəm ki, vergüldən sonra adlarınızı əlavə etmək istəmirsiniz", - o deyib.
UNIAN-ın xəbər verdiyi kimi, ABŞ, Fransa, Almaniya, İtaliya, Britaniya, Kanada və Aİ liderləri yaxın günlərdə Ukraynada gözlənildiyi kimi bütün Rusiya banklarını deyil, yalnız müəyyən sayda Rusiya bankını SWIFT beynəlxalq bank ödəniş sistemindən ayıracaqlar.
Alpər
