"2015-ci ilin devalvasiyasından sonra Azərbaycan milli valyutasının real məzənnəsində ən yüksək bahalanma son 10 aya təsadüf edir”.
Qaynarinfo xəbər verir ki, bu sözləri iqtisadçı ekspert Rövşən Ağayev bildirib.
Onun sözlərinə görə, qeyri-neft sektoru üzrə hesablanan real məzənnə ötən ilin dekabrına nisbətən son 10 ayda 6.6% bahalanıb:
"Bu baxımdan nominal məzənnənin dinamikasını izləmək maraqlıdır.
İlin əvvəlindən Azərbaycanın xarici ticarətinin 80%-ni təmin edən 13 ölkənin valyutasına nisbətən manatın nominal məzənnəsində dəyişilk belə olub:
1) Sabit qalıb: ABŞ dolları və İran rialına nisbətən;
2) Ucuzlaşıb: avroya nisbətən 7,7%, C. Koreya vonuna və Çin yuanına qarşı 6.5%, İsrail şekelinə nisbətən 5,6%;
3) Bahalaşıb: Türk lirəsinə qarşı 31,5%, Belorus rubluna qarşı 22.2%, rus rubluna qarşı 19.5%, Ukrayna qrivnasına qarşı 18,9%, gürcü larisinə qarşı 15,1%.
Manatın real bahalanması partnyor ölkələrin əksəriyyətində inflyasiyanın Azərbaycanla müqayisədə nisbətən aşağı olması və əksər valyutalara nisbətən məzənnənin nominal bahala.ması ilə bağlı olub.
Orxan Əhmədli
