Masallı şəhərində çoxillik, yaşlı ağacların amansız şəkildə məhvinə start verilib.
Cenubnews.com-un xəbərinə görə, Rayon Polis Şöbəsinin qarşısından Olimpiya Kompleksinə qədər olan, magistral yolun kənarlarındakı ərazilərdə hazırda qızğın ağackəsmə işləri gedir.
Xəbərdə bildirilir ki, sözügedən ərazində tikintilər davam etdikcə yaşıllıqlar da sürətlə azalır.
Təbii ki, rayon rəhbərliyinin razılığı olmasaydı, belə “yaşıl soyqırım”ı həyata keçirmək, rayonda yeganə yaşıllıq yeri olan ərazidə ağacların kütləvi şəkildə məhv edilməsinə heç kim cürət eləməzdi.
Qaynar.info
