Ekologiya və Təbii Sərvətlər Nazirliyi (ETSN) Milli Hidrometeorologiya Departamenti Azərbaycanda yaxın 3 gün ərzində müşahidə ediləcək hava şəraiti ilə əlaqədar meteohəssas insanlara xəbərdarlıq edilib.
APA-nın xəbərinə görə, nazirliyinin açıqladığı tibbi-meteorloji proqnoza əsasən, sentyabrın 24-də Abşeron yarımadasında atmosfer təzyiqinin normadan aşağı olması və arabir güclənən gilavar küləyi meteohəssas insanlarda diskomfort hissi yarada bilər.
Sentyabrın 25-də meteoroloji amillərin zəif və mülayim tərəddüdü meteohəssas insanlar üçün əlverişlidir. Sentyabrın 26-da isə atmosfer təzyiqinin kəskin yüksəlməsi və güclü xəzri küləyi meteohəssas insanlar üçün əlverişsiz olacaq.
