FIFA milli komandaların növbəti reytinq cədvəlini açıqlayıb. Fanat.az xəbər verir ki, Azərbaycan millisi 22 pillə geriləyib.
Aktivində 344 xal olan komandamız 73-cü pillədən 95-ci yerə düşüb. Buna səbəb Özbəkistanla 0:0 hesablı heç-heçə, Rusiyaya 0:4 və Bolqarıstana 1:2 hesablı yenilgilər olub.
Yığmamızın AVRO-2016-nın seçmə mərhələsindəki rəqiblərindən İtaliya bir pillə irəliləyib (13-cü pillə, 1068 xal), Xorvatiya 3 pillə geriləyib (19-cu pillə, 928 xal). Bakıda millimizi 2:1 hesabı ilə yenən Bolqarıstan 26 pillə irəliləyib (46-cı pillə, 570 xal), Norveç 23 (76-cı pillə, 421 xal), Malta 5 pillə geriləyib (155-ci pillə, 133 xal).
İlk "onluq"da yer dəyişmələr olub. Belə ki, Kolumbiya, Braziliya və Fransa bir pillə irəliləyib, Hollandiya, Uruqvay, İspaniya və İsveçrə bir pillə geriləyib.
1 (1). Almaniya - 1765
2 (2). Argentina - 1631
3 (4). Kolumbiya - 1488
4 (3). Hollandiya - 1456
5 (5). Belçika - 1444
6 (7). Braziliya - 1291
7 (6). Uruqvay - 1243
8 (7). İspaniya - 1228
9 (10). Fransa - 1202
10 (9). İsveçrə - 1175
Qaynar.info
