Türkiyənin İstanbul şəhərinin təhlükəsizlik qüvvələri cümə günü səhər saatlarında narkotik satıcılarına qarşı xüsusi əməliyyat keçiriblər. Bu barədə Trend "Haber7" telekanalına istinadən bildirib.
Helikopterin də iştirak etdiyi əməliyyat bir neçə ünvanda keçirilib. Əməliyyat nəticəsində 30-dan artıq şəxs saxlanılıb. Saxlanılanlar Türkiyənin Təhlükəsizlik üzrə Baş Katibliyinin Narkotiklərlə mübarizə şöbəsinə təhvil veriliblər.
Əməliyyatın gedişi zamanı böyük həcmdə narkotik maddələrin partiyası müsadirə olunub. Faktla bağlı cinayət işi qaldırılıb.
