Bundesver (Almaniya Silahlı Qüvvələri) Rusiyanın bu ilin fevralında NATO-nun şərq cinahına mümkün hibrid hücuma hazırlaşır.
Qaynarinfo xəbər verir ki, bu barədə "Bild"
yazıb.
"Bild" mənbəsi Bundesverin gizli sənədinə istinadən bildirir ki, NATO ilə Rusiya arasında gərginliyin artması fevralın əvvəlində baş verə bilər. Yalnız xidməti istifadə üçün nəzərdə tutulan məxfi sənəddə Almaniya Müdafiə Nazirliyi Rusiya və NATO arasında hadisələrin aybaay inkişaf edən mümkün münaqişə yolunu təfərrüatlandırır. Bu, yüz minlərlə NATO əsgərinin yerləşdirilməsi və 2025-ci ilin yayında müharibənin başlaması ilə yekunlaşır.
"Bild" təhlükəsizlik məsələlərinə diqqət yetirərək və NATO qoşunlarının sayı və hərəkətləri ilə bağlı konkret məlumatlardan yayınaraq sənəddəki senariyə istinad edir. Bundesverin "Alyansının müdafiəsi 2025” senarisi 2024-cü ilin fevralında Rusiyanın səfərbərliyinin başlamasını, ardınca Ukraynada yaz hücumunu və iyulda Rusiyanın Baltikyanı ölkələrə hücumunu nəzərdə tutur. Kiberhücumlar və hibrid müharibənin digər formaları gözlənilir.
Senariyə görə, oktyabrda Rusiya qoşunlarının və raketlərinin Kalininqradda yerləşdirilməsi ilə gərginlik pik həddinə çata bilər. 2024-cü ilin dekabrında "Suvalk dəhlizi” bölgəsində "sərhəd münaqişələri” və "çoxsaylı itkilərlə iğtişaşlar” mümkündür. ABŞ-da keçirilən seçkilərdən sonra ölkənin lidersiz qala biləcəyi bir vaxtda NATO ərazisində Rusiya Belarusun dəstəyi ilə 2014-cü ilin Ukrayna işğalını təkrarlaya bilər.
Senari NATO-nun Bundesver də daxil olmaqla, əhəmiyyətli hərbi qüvvələri şərq cinahına köçürdüyü "X günü"ndən 30 gün sonra başa çatır. Bununla belə, ssenaridə NATO-nun Rusiyanın qarşısını ala bilib-bilməyəcəyi sualı açıq qalır.
Nizami Bağırov
