Fövqəladə Hallar Nazirliyinin Xüsusi Riskli Xilasetmə Xidmətinin rəisi yeni vəzifəyə təyin olunub.
Qaynarinfo-nun əldə etdiyi məlumata görə, fövqəladə hallar naziri, general-polkovnik Kəmaləddin Heydərovun müvafiq əmri ilə xidmətin rəisi, general-leytenant Şahmar Paşayev vəzifəsindən azad olunaraq, Bakı Regional Mərkəzinin rəisi təyin edilib.
Nazirin digər əmri ilə Bakı Regional Mərkəzinin rəisi, general-mayor Etibar İsmayılov Xüsusi Riskli Xilasetmə Xidmətinin rəisi təyin edilib. Hər iki general sabahdan yeni vəzifələrinin icrasına başlayacaqlar.
Qeyd edək ki, bu barədə ilk məlumatı manset.az saytı yayıb.
Əhməd
