Azərbaycan Avtomobil Yolları Dövlət Agentliyi (AAYDA) Quba rayonu Qaraçay qum-çınqıl yatağından icazəsiz istifadə etdiyi üçün məhkəmə tərəfindən cəzalandırılıb.
Qaynarinfo-nun məlumatına görə, Agentliyi Ekologiya və Təbii Sərvətlər Nazirliyi məhkəməyə verib.
Belə ki, Agentliyin nəzdində fəaliyyət göstərən "5 saylı Yol İstismarı” MMC Qaraçay qum-çınqıl yatağında yerin təkindən istifadəyə icazə verən "Dağ-mədən ayırması” aktı olmadan faydalı qazıntı hasilatı aparıb.
Məhkəmədə iştirak edən MMC-nin baş iqtisadçısı bildirib ki, inzibati xəta haqqında protokolda göstərilənlərlə razıdırlar. Həqiqətən də Quba rayonu Qaraçay qum-çınqıl yatağında icazə olmadan faydalı qazıntı hasilatı aparıblar.
Quba rayon Məhkəməsinin qərarı ilə "Azərbaycan Avtomobil Yolları Dövlət Agentliyi”nin "5 saylı Yol İstismarı” MMC-si İnzibati Xətalar Məcəlləsinin nin 228-ci maddəsində nəzərdə tutulmuş inzibati xətanı törətməkdə təqsirli bilinib, 5000 manat məbləğində cərimə olunub.
Əhməd
