"Qarabağ"ın qanalı hücumçusu Kvabena Ovusu hazırda çıxış etdiyi Türkiyənin "Ankaragücü" klubunda qalacaq.
Qaynarinfo qana mətbuatına istinadən xəbər verir ki, Türkiyə klubu tərəfindən icarəyə götürülən futbolçu TFF 1-ci liqasında meydana çıxdığı 20 oyunda 7 qola, 4 məhsuldar ötürməyə imza atıb. Forvardın oyununu bəyənən "Ankaragücü" onunla daimi müqavilə bağlamağa hazırdır.
Ovusunun "Qarabağ"la müqaviləsi 2023-cü ildə başa çatacaq. Ona görə də "Qarabağ"ın bu satışdan qazanc əldə edəcəyi bildirilib.
Qanalı oyunçu "Qarabağ"a 2020-ci ildə İspaniyanın "Leqanes" klubundan keçsə də cəmi br mövsüm oynayıb. Ardından isə "Ankaragücü"nə icarəyə verilib.
Səbuhi Həsənov
