Fransa
Futbol Federasiyasının İntizam Komitəsi qalmaqallı "Nitsa” – "Marsel” matçı ilə
bağlı qərarını açıqlayıb.
Qaynarinfo
xəbər verir ki, "Nitsa”nın iki xalının silinməsi haqda qərar çıxarılıb. Bununla
yanaşı komanda qarşıdakı üç matçı neytral meydanda keçirəcək. Qalmaqallı
qarşılaşma isə başqa bir vaxtda, neytral meydanda yenidən oynanılacaq.
Matç
zamanı rəqib tribunalara şüşə atan "Marsel”in futbolçusu Dimitri Payet bir,
hadisəyə qarışdığı müəyyənləşdirilən onun komanda yoldaşı Alvaro Qozales iki
oyunluq diskvalifikasiya edilib. Rəqib komandanın futbolçularına fiziki zərər
yetirməyə çalışan "Marsel”in fizioterapevti Pablo Fernandez isə mövsümün sonuna
qədər Fransa Birinci Liqasından uzaqlaşdırılıb.
Avqustun
22-də baş tutan "Nitsa” – "Marsel” qarşılaşmasında Payet tribunadan ona atılan
bəzi əşyaları azarkeşlər olan tərəfə geri göndərib. Nəticədə "Nitsa”nın
azarkeşləri meydançaya girib. Həmin vaxt meydan sahiblərinin hesabda 1:0 öndə
olduğu oyun 77-ci dəqiqədə dayandırılıb. Bundan saatyarım sonra qarşılaşmanın
qaldığı yerdən başlanması ilə bağlı qərar verilsə də "Marsel”in futbolçuları
meydana çıxmaqdan imtina edib.
Səbuhi
Həsənov
