Yeni ildə "Qanun" Nəşrlər Evi Bakıda "Yeni İl” adlı kitab sərgisi keçirəcək.
Qaynarinfo xəbər verir ki, sərgi-yarmarka 17-27 dekabr tarixlərində nəşriyyatın binasında baş tutacaq. Oxucular sərgidə biri-birindən maraqlı yüzlərlə kitabı 1, 2 manata əldə etmək imkanı qazanacaqlar. Digər kitablara isə 30 faizdən başlayan endirimlər tətbiq ediləcək.
Sərgi iştirakçıları bu sərgidə ingilis, rus və türk dillərində geniş çeşidli kitablar da əldə edə biləcəklər. Təqdim olunan minlərlə çap məhsulu müxtəlif janrları, müxtəlif mövzuları əhatə etməklə yanaşı həm də hər yaşa aid oxucular üçün nəzərdə tutulub.
Bahar Rüstəmli
