"Qarabağ" Konfrans Liqasının qrup mərhələsi çərçivəsində növbəti matçını keçirib.
Qaynarinfo xəbər verir ki, Ağdam təmsilçisi Kiprdə "Omoniya"nın qonağı olub. Qarşılaşmanın birinci hissəsi rəqibin 1:0 üstünlüyü ilə bitib. Ancaq matçın ikinci hissəsində GSP Stadionunda "Qarabağ" "fırtınası" əsib. Belə ki, təmsilçimiz ikinci 45 dəqiqədə 4 qol vurmaqla qarşılaşmanı qələbə ilə bitirib - 4:1. Qurban Qurbanovun komandasından qolları Kadi Borges (52, 90+4), Ramil Şeydayev (73) və Maksim Medvedev (79-p.) fərqlənib. Meydan sahiblərinin yeganə qolunu isə 40-cı dəqiqədə Lesyaks vurub.
Bu qələbədən sonra "Qarabağ" 4 xalla qrup liderliyini ələ keçirib.
Qrupun digər matçında isə İsveçrə "Bazel"i doğma meydanda Qazaxıstan təmsilçisi "Kayrat"la qarşılaşıb və 4:2 hesablı qələbəyə sevinib.
Səbuhi Həsənov
