“Qarabağ” "Gent"lə qarşılaşmaya nə qədər hazırdır? - Sabiq futbolçu

Komandanın sabiq futbolçusu Elmir Xankişiyev Qaynarinfo-ya açıqlamasında "Qarabağ”ın Belçika təmsilçisi ilə görüşöncəsi fikirlərini bildirib. Mütəxəssis "Qarabağ”n daha çox şansı olduğunu söyləyib:

"Qarabağ” qış fasiləsindən əvvəlki formasından bir az uzaqdır. Fasilədən əvvəl daha yaxşı vəziyyətdə idilər. Düzdür, yavaş-yavaş əvvəlki formasını bərpa edir, amma tam həminki səviyyəyə çatmayıb. Doğma divarlar arasında yəqin ki, əllərindən gələni edəcəklər. "Gent”in oyununu görməmişəm, yalandan nəsə deyə bilmərəm. Amma Avropada Belçikanın tanınmış, öz ənənəsi olan klublarından biridir. Yenə də "Qarabağ”ın qələbə qazanacağını düşünürəm”.

"Onların "Qarabağ”a gec qoşulması pis oldu. Hələ uyğunlaşma dövrünü keçməyiblər. Bu bir qədər vaxt aparacaq. Transferləri bir qədər tez həyata keçirsəydilər, daha yaxşı olardı. Deməli, qismət belə imiş. Gec də olsa transferlər ediblər, əsas odur uğurlu alınsın. Sadəcə, onlara vaxt lazımdır. Kadinin getməsi "Qarabağ” üçün çox böyük boşluq yaradıb. Onun yerini hələ ki, dolduran tapılmır. Yəqin ki, vaxt keçdikcə onun da yerini dolduracaqlar. Həm "Qarabağ”, həm də "Gent” yəqin ki, bir-birilərini analiz ediblər. Boşluqları müəyyənləşdiriblər. Məncə, doğma divarlara, azarkeşlərə görə "Qarabağ”ın üstünüyü var”.