Bu gün Azərbaycan Premyer Liqasında ilk turun növbəti oyunu keçiriləcək.
Qaynarinfo xəbər verir ki, son çempion "Qarabağ" "Azersun Arena"da "Səbail"i qəbul edəcək. FIFA referisi Rauf Cabbarovun idarə edəcəyi qarşılaşma saat 20:00-da başlayacaq.
"Səbail" isə yeni baş məşqçisi Mahmud Qurbanovun rəhbərliyi altında ilk rəsmi matçına çıxacaq.
Komandalar indiyədək ölkə çempionatında 19 dəfə üz-üzə gəliblər. Bunların 15-də ağdamlılar, ikisində paytaxt təmsilçi qələbə qazanıb. 2 qarşılaşmada qalib müəyyənləşməyib. Topların nisbətində də "Qarabağ"ın aşkar üstünlüyü var - 38:7.
Qurban Qurbanovun komandası son 6 ev oyununda qələbə qazanıb. Son 4 oyunda üç və ya daha çox qol vurulub.
Azərbaycan Premyer Liqası
I tur
6 avqust
20:00. "Qarabağ” – "Səbail”
Hakimlər: Rauf Cabarov, Namiq Hüseynov, Cavanşir Yusifov, Nicat İsmayıllı
VAR hakimləri: Fərid Hacıyev, Cəmil Quliyev
Hakim-inspektor: Babək Quliyev
"Azersun Arena”.
Mövsümün açılış oyununda "Zirə" "Kəpəz"ə 2:1 hesabı ilə qalib gəlib. Tura sabah keçiriləcək "Şamaxı" - "Neftçi", "Sabah" - "Sumqayıt" və avqustun 8-də oynanılacaq "Turan Tovuz" - "Qəbələ" görüşləri ilə yekun vurulacaq.
Səbuhi Həsənov
Şərhlər