"Qalatasaray"dan ayrılan Uesli Sneyder kryerasını İtaliyada davam etdirmək istəyir. "Qaynarinfo" fanat.az-a istinadən xəbər verir ki, "Sampdoriya" və "Los Anceles Qalaksi"dən təklif alan holand ulduz A Seriyasına dönmək qərarına gəlib.
İtaliya mətbuatının məlumatına görə, Sneyder "Sampdoriya" rəhbərliyi ilə anlaşmaq üzrədi. Futbolçunun meneceri Quydo Albers də bir neçə gün əvvəl bu barədə açqlama vermişdi: "Uesli "Sampdoriya"da oynamaq istəyir. İlk olaraq bu klubun təklifini dəyərləndirəcək".
Qeyd edək ki, Sneyder "Qalatasaray"a 2013-cü ildə "İnter"dən 7,5 milyon avroya transfer olunmuşdu.
Qaynarinfo.Az
