Milli Məclisin deputatı Elton Məmmədov barəsində bəzi KİV-də yazılan məlumatlara münasibət bildirib.
Deputat E.Məmmədov Publika.Az-a açıqlamasın yazılanları “cəfəngiyat” adlandırıb.
Hazırda xaricdə olduğunu vurğulayan E.Məmmədov deyib: “Yazılanlar tamamilə yalan və cəfəngiyatdır. Bunu yazan adamlar boşboğazlardır. Qoyun nə qədər yazırlar yazsınlar. Ümumiyyətlə, mənimlə “Lyuks-Sönməz” MMC arasında heç bir mübahisə olmayıb. Digər tərəfdən isə Davudoğlu ilə Ziya müəllim arasında hər hansı razılaşma yoxdur. Yazılanların hamısı yalandır və heç bir hüququ əsası yoxdur. Yəqin ki, o adamlar yazmağa nə isə tapmırlar, ona görə də belə yazırlar”.
Xatırladaq ki, “mia.az” saytının yazdığına görə, nəqliyyat naziri Ziya Məmmədovun qardaşı, deputat Elton Məmmədov Türkiyə vətəndaşına məxsus “Lyuks-Sönməz” MMC ilə yenidən məhkəmə çəkişməsinə başlasa da, iki gün öncə gözlənilmədən geri çəkilib.
Saytın məlumatına görə, deputata məxsusluğu şübhə doğurmayan “Bakı XXI ƏSR” MMC-nin “Lyuks-Sönməz” MMC-yə qarşı iddiasının səbəbi Bakı Şəhər İcra Hakimiyyəti başçısının 10 yanvar 2008-ci il tarixli sərəncamından qaynaqlanır.
Qaynar.info
