Bakı Apellyasiya Məhkəməsində Azərbaycan Avropa Hərəkatının sədri, ictimai fəal Ramin Hacılının şikayəti üzrə məhkəmə prosesi keçirilib.
Ramin Hacılının vəkili Rəşad Əliyev Qaynarinfo-ya açılamasında bildirib ki, hakim İlqar Murğuzovun sədrliyi ilə keçirilən prosesdə müvəkkili günahsız olduğunu deyib.
"Ramin Hacılı günahsız olduğunu, eyni zamanda birinci instansiya məhkəməsində qanun pozuntularına yol verildiyini bildirdi. O qeyd etdi ki, irəli sürülən ittihamların heç bir əsası yoxdur”, deyə vəkil bildirib.
Rəşad Əliyev əlavə edib ki, proses aprelin 19-na təxirə salınıb.
Ramin Hacılı Cinayət Məcəlləsinin 178.3.1-ci (mütəşəkkil dəstə tərkibində dələduzluq) maddəsi ilə təqsirləndirilərək Bakı Ağır Cinayətlər Məhkəməsinin hakimi Azad Məcidovun hökmü ilə 7 il 7 ay 14 gün azadlıqdan məhrum edilib.
Seyid
