Xorvatiyanın paytaxtı Zaqrebdə "Grand Chess Tour" şahmat seriyasının rapid və blitz üzrə üçüncü mərhələsi başa çatıb. Turnirin son günündə blitz üzrə daha 9 tur oynanılıb.
Qaynarinfo xəbər verir ki, Azərbaycanın turnirdə yeganə təmsilçisi Şəhriyar Məmmədyarov görüşlərindən 5-də rəqiblərinə qalib gəlib. 2 dueldə xalları yarı bölən "Şah", bir o sayda da məğlubiyyətə üzülüb.
Beləliklə, turnir ərzində 19 xal toplayan 36 yaşlı qrossmeysterimiz yekun sıralamada 6-cı olub. Mərhələnin qalibi adını 23 xalla fransalı Maksim Vaşye-Laqrav qazanıb. Ondan 2 xal geri qalan Vişvanatan Anand 2-ci, aktivinə 20,5 xal yazan Aniş Giri 3-cü yeri tutub.
10-cu tur: Şəhriyar Məmmədyarov - Maksim Vaşye Laqrav (Fransa) 0,5:0,5
11-ci tur: Yan Nepomnyaşiy (Rusiya) - Şəhriyar Məmmədyarov 0:1
12-ci tur: Şəhriyar Məmmədyarov - Yorden van Forest (Niderland) 1:0
13-cü tur: Aleksandr Qrişuk (Rusiya) - Şəhriyar Məmmədyarov 0:1
14-cü tur: Şəhriyar Məmmədyarov - Yan-Kriştof Duda (Polşa) 1:0
15-ci tur: Harri Kasparov (Rusiya) - Şəhriyar Məmmədyarov 0:1
16-cı tur: Şəhriyar Məmmədyarov - Anton Korobov (Ukrayna) 0:1
17-ci tur: Şəhriyar Məmmədyarov - Vişvanatan Anand (Hindistan) 0,5:0,05
18-ci tur: Aniş Giri (Niderland) - Şəhriyar Məmmədyarov 1:0
Qeyd edək ki, Şəhriyar Məmmədyarov "Grand Chess Tour" seriyasının birinci mərhələsinin - "Superbet Chess Classic Romania"nın qalibi olub.
