Müğənni Səidə Dadaşova xalası, Xalq artisti Brilyant Dadaşova ilə aralarında olan inciklikdən danışıb.
Sənətçi bu barədə ARB-də yayımlanan "Xəbər-ətər” proqramında olarkən bəhs edib.
O, atası, Xalq artisti Rafael Dadaşovun ölüm ildönümündə qohumları ilə bir araya gəlmədiklərini deyib:
"Çoxdandır bir araya gəlmirik. Əzizə bibim, Rövşən əmim, qardaşım, həyat yoldaşı gəlmişdi. Artıq bu əhatədir. Atam olanda hər kəs başına yığışırdı. Hər şey ayrı düşüb”.
Verilişdə yer alan müğənni Adil Karacanın "Brilyant Dadaşova ilə danışmırsınız?” sözlərinə Səidə belə cavab verib:
"Dadaşovlar məktəbdir, bu danılmazdır. Onlar iz qoyub, tarix yazıb. Mahnılarda müraciət edirəm. Amma hər kəs öz çevrəsinə qapanıb. Ailəmlə, oğlumla məşğulam. Hər kəsin yanına özüm getməkdən, ilk addım atmaqdan yoruldum. Beynim yoruldu, söndü. O zamanımı övladıma ayırıram. Hər zaman axtaran, sayan, hörmət saxlayan mən olmuşam. Allah mənə nə qədər ömür veribsə, artıq onu övladıma həsr edəcəyəm”.
Qeyd edək ki, S.Dadaşova Rafael Dadaşovun qızıdır. İfaçının anası isə Brilyant Dadaşovanın aktrisa bacısı Sədaqət Dadaşovadır.
Daha ətraflı süjetdə:
<iframe width="560" height="315" src="https://www.youtube.com/embed/kL9Uyzqo2Ms" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen="">
