Müstəqillik referendumunun keçirildiyi Şimali İraqda ilk gərginlik yaşanıb.
"Qaynarinfo" Türkiyə mediasına istinadən xəbər verir ki, türkmənlərlə Şimali İraq Kürdüstan Muxtariyyətinə bağlı olan peşmərgə qüvvələri arasında atışma olub.
Hadisə Kərkükün cənubunda türkmənlərin yaşadığı Tuzhurmatu rayonunda baş verib. Türkmən silahlı birlikləri ilə peşmərgə arasındakı atışmada 2 nəfər həlaka olub, yaralılar var.
Başqa bir məlumata görə isə atışma peşmərgə ilə türkmənlər arasında yox, peşmərgə qüvvələri ilə İranın dəstəklədiyi şiə milislər - "Haşdi Şabi" qurupu arasında olub.
Aydın
Qaynarinfo.Az
