Bakı Ağır Cinayətlər Məhkəməsində dələduzluqda təqsirləndirilən “Paşa” MMC-nin sabiq rəhbəri Qənirə İsmayılovanın cinayət işi üzrə məhkəmə prosesi başa çatıb.
Qaynar.info APA-ya istinadən xəbər verir ki, məhkəmədə hökm oxunub. Hökmə əsasən, Q. İsmayılova 2 il rəhbər vəzifə tutmaq hüququndan məhrum edilməklə 7 il 5 ay 20 gün müddətinə azadlıqdan məhrum edilib.
Qeyd edək ki, Q. İsmayılova vətəndaşlardan dələduzluq yolu ilə pul aldıqdan sonra Belarusa qaçıb. Bundan sonra onun barəsində axtarış elan olunub və o , həmin ölkədə həbs olunaraq Azərbaycana gətirilib.
