Sudan polisi dünən baş tutan aksiyalar zamanı həyatını itirən Müaviyə Osmanın cənazə mərasiminə qatılan vətəndaşlara atəş açıb.
Qaynarinfo xarici KİV-ə istinadən xəbər verir ki, Sudan Həkimlər Komitəsi dünən axşam saatlarında gerçəkləşdirilən aksiyalarda bir həkim, bir uşaq və 50 yaşlı Müaviyə Osman olmaqla 3 nəfərin öldüyünü bildirib.
Bu gün paytaxt Xartumda təşkil olunan cənazə mərasiminə qatılan minlərlə vətəndaşa polis tərəfindən sərt müdaxilə olunub. Belə ki, polis aksiyaçılara qarşı gerçək mərmidən istifadə edib.
Mərasimdə 2 minə yaxın insanın iştirak etdiyi qeyd olunur.
