Heritage Fondunun "Douglas and Sarah Allison" Xarici Siyasət Mərkəzinin direktoru Lük Koffi (Luke Coffey) növbəti dəfə "Gəncə keçidi"nin Qərb üçün əhəmiyyətindən bəhs edib.
Qaynarinfo-nun verdiyi xəbərə görə, Lük Koffi Twitter sosial şəbəkəsində bununla bağlı maraqlı paylaşım edib. NATO-nun iki C17 təyyarəsinin hərəkət trayektoriyasını paylaşaraq, qeyd edib:
"Bu iki Nato-nun C17-lərinin Rusiya və İran hava ərazisinə daxil olması üçün yeganə yol Azərbaycan və Gəncə GAP koridoru idi (Avrasiya materikindəki ən strateji vacib ərazilərdən biri)".
<script async="" src="https://platform.twitter.com/widgets.js" charset="utf-8">
//
Qeyd edək ki, Asiya və Avropa arasında enerji və ticarətin quru ilə axını üçün yalnız üç yol var: İran, Rusiya və Azərbaycan ərazisi. Qərbin Rusiya və Tehranla bərbad münasibətləri nəzərə alınarsa, yüz milyardlarla dollarlıq ticarətə yalnız bir real marşrut qalır: Xəzərin sahilində yerləşən balaca Azərbaycan.
Gəncə keçidindən təkcə neft və qaz yox, həm də Qərbi Avropanı Xəzər regionuna birləşdirən optik lifli kabellər keçir. Avropanın ən uzun avtomobil magistralı - E60 da Gəncədən keçir. Bu magistral Fransanın Atlantik sahilindəki Brest şəhərini Qırğızıstanın Çin sərhədindəki İrkestam şəhəri ilə birləşdirir. Avropanı Cənubi Qafqazla birləşdirən Bakı-Tbilisi-Qars dəmiryolu da Gəncədən keçir. Bütün bunlar potensial baxımdan həyati əhəmiyyətli kanallardır.
Əfqanıstan müharibəsinin qızğın vaxtında ABŞ-ın qeyri-döyüş təchizatının üçdə biri ya quru, ya da hava ilə Gəncə üzərindən olub.
Lük Koffinin paylaşımına yazılan şərhlərdən biri də diqqət çəkir: "İndi baş verənləri gördük- NATO ortağı Azərbaycan və müttəfiqi Türkiyənin sülhməramlıları Kabildən ayrıldıqdan sonra partlayışlar baş verdi. Azərbaycan və Türkiyə NATO ilə ABŞ-ın potensial tərəfdaşlarıdır".
Lük Koffi Heritage Fondunun Douglas and Sarah Allison Xarici Siyasət Mərkəzinin direktorudur. Heritage fonduna qoşulmazdan əvvəl o, Britaniya müdafiə naziri Liam Fox-un xüsusi müşaviri olub. O, habelə hakim Mühafizəkarlar Partiyasına müşavirlik edib. Coffey 2005-ci ildə ABŞ ordusunun sıralarında Əfqanıstanda xidmət edib və Bürünc Ulduz Medalı ilə təltif olunub.
