Tovuzda 3 yaşlı uşaq oyun zamanı odun sobasına dəyərək başından ağır xəsarət alıb.
"Report"un Qərb bürosunun məlumatına görə, rayonun Eyyublu kənd sakini, 2013-cü il təvəllüdlü Bayramzadə Fidan Fürudin qızı yaşadığı evdə oynayarkən yıxılaraq başı otaqda qurulan odun sobasına dəyib.
Ağır kəllə-beyin travması alan 3 yaşlı uşaq Tovuz Rayon Mərkəzi Xəstəxanasına çatdırılıb. Həkimlər tərəfindən dərhal tibbi yardım göstərildikdən sonra Travmatologiya şöbəsinə yerləşdirilən uşağın vəziyyətinin ağır olduğu bildirilir.
Qaynarinfo.Az
