ABŞ Prezidenti Donald Tramp "qəbuledilməz davranış” göstərəcəyi
təqdirdə Türkiyəni əlavə rüsum və sanksiyalarla hədələyib.
TASS xəbər verir ki, amerikalı
lider bu barədə Ağ Evdəki kabinetində iclas zamanı jurnalistlərin suallarını
cavablandırarkən bildirib.
"Əgər Türkiyə hökuməti lüzumsuz hərəkətlərə yol verərsə,
düşünmürəm ki, bunlar baş verəcək, ancaq bizim heç kəsin bilmədiyi gücümüz var
– bunlar sanksiyalar, rüsumlardır. O zaman biz sanksiyalar, rüsumlar tətbiq edəcəyik”,
- deyə Tramp vurğulayıb.
