Türkiyə ordusu yenə itki verib. Qaynarinfo.az yerli mediaya istinadən xəbər verir ki, Hakkari əyalətinin Şəmdinli rayonunun Aktütün bölgəsində törədilən partlayış nəticəsində 4 əsgər şəhid olub, biri yaralanıb.
Hakkari valisi Cüneyt Orxan Toprak bildirib ki, Aktütün bölgəsində əsgərlərin avtomobilinin keçdiyi yola terrorçular tərəfindən yerləşdirilən partlayıcı qurğunun işə salınması nəticəsində 4 hərbçi şəhid olub, biri yaralanıb.
Qeyd edək ki, bu gün həmçinin Van vilayətinin Erciş rayonunda Jandarma komandanlığına partlayıcı yüklü avtomobillə hücum edilmişdi. Nəticədə 1 əsgər və 1 kənd gözətçisi şəhid olmuş, 10 əsgər isə yaralanmışdı.
Qaynarinfo.az
