Anası tərəfindən axtarılan Ukrayna vətəndaşı ilə bağlı bəzi məlumatlar əldə edilib. Həmin qız 22 il küçələrdə yaşadığını bildirib.
Bu barədə virtualaz.org saytına “Təmiz dünya” Qadınlara Yardım İctimai Birliyinin sədri Mehriban Zeynalova məlumat verib.
Hüquq müdafiəçisinin sözlərinə görə, ailəsi onun tapılması üçün uzun illər axtarış aparıb: “Həmin qız sevdiyi oğlana qoşularaq Bakıya gəlib. Lakin oğlan onu aldadıb, evlənməyiblər. Bundan sonra qadın küçələrdə bomj kimi yaşamağa başlayıb”.
Ukrayna səfirliyi və Daxili İşlər Nazirliyinin birgə fəaliyyəti nəticəsində tapılan qadın sığınacaqda yerləşdirilib.
Hazırda qadının sənədləri qaydasına salınır. Bundan sonra o, öz vətəninə göndəriləcək.
Qaynar.info
