İtaliyanın Venesiya şəhəri son 10 ilin ən güclü seli ilə mübarizə aparır.
Qaynarinfo xəbər verir ki, güclü yağış və küləyin müşahidə edildiyi şəhərin tarixi yerlərinin böyük hissəsi, ümumilikdə isə ərazinin 75%-i su altında qalıb. Sakin və turistlərə San-Marko meydanına keçmək, vaporetto paraxodları ilə səyahət qadağan edilib.
Qeyd edək ki, Venesiyada hər il 4 dəfə su səviyyəsi dəniz səviyyəsindən azı 1 metr yüksəyə qalxır. Şəhərdə subasmaların qarşısını almaq üçün bəndlər inşa edilir.
